薛家燕大爆囡囡煮曬全屋燕窩 食足兩個月甜到入心

當年佢用左幾萬蚊買燕窩畀阿女一次過煮曬。

薛家燕今晚（13日）的一集《新春開運王》中將與周志康、宋苑穎入元朗搵燕窩達人Sam哥，教大家揀燕窩。家燕姐大爆女兒曾一餐煮曬成屋的燕窩：「有一年我生日，當時女兒珊珊好細個，佢可能見媽咪做嘢辛苦，諗住煮燕窩畀我食，點知佢裝畀我嗰碗燕窩，啲燕窩多到呢，好似食緊燕窩羹咁，原來佢將我全屋嘅燕盞一次過煮曬，嗰時買都要幾萬蚊㗎！我足足食咗兩個月，雖然係咁，但個女都係錫我，所以我都心甜。

家燕姐與周志康、宋苑穎教大家揀燕窩。

家燕姐和李居明日前為節目添食一集。

此外，家燕姐和李居明日前為節目添食一集，將于大年初二播出。二人均十分開心知悉收視高企、觀眾反應熱烈，家燕姐表示很多親朋戚友均來電諮詢內容，特別是問財神大手印及煲劇方位學，她又恭賀大師在智利及印度兩大影展取得最佳紀錄片大獎。

資料圖片

薛家燕爆女兒煮幾萬元燕窩 食足兩個月心都甜

目前，TVB賀年節目《新春開運王》已經拍攝到第五輯，今年薛家燕「冧莊」孖學生港姐冠軍宋宛穎及周志康一同主持，請來三位玄學師傅包括李居明、李丞責及麥玲玲，走遍全港；食盡各地美食，為大家推測虎年運程時，三位師傅異口同聲表示：「大家要嚴陣以待對抗疫情，注意衛生！

家燕姐今年又再主持賀年節目《新春開運王》。

屬虎的家燕姐今年雖然本命年犯太歲，但三位師傅贈言她來年依然運程唱好。其中李居明指家燕姐新抱在這兩年易再度有喜，而李丞責則指家燕姐來年會得獎或勳銜，事業更上一層樓，麥玲玲則指她家宅富貴平安，更送贈富貴竹，家燕姐笑言：「承佢哋貴言，虎年我犯太歲，但佢哋睇過我個大運應該冇乜問題，只係可能會有小毛病，玲玲師傅叫我小心關節。」

薛家燕再次主持《新春開運王》，順道問一問自己來年運程。

李丞責（左二）指家燕姐來年會得獎或勳銜。

而家燕姐大讚學生宋宛穎出任主持表現出色，家燕謂：「佢好勤力、口齒伶俐，又有禮貌，有幾位嘉賓都讚佢唔似一個新主持，十足好有經驗咁，其實佢係初次做，我欣賞佢學習態度，正如佢以前細個好專心又有熱誠，又靚女，今次好得意，我兩個拍檔都係孖胎，周志康又係孖仔，宋宛穎又係孖，都係難得嘅事。

今次家燕姐跟周志康及宋宛穎一同出任主持。